Mga trisikel driver, planong ipatawag sa GSCPO human sa sunod sunod nga pagpamusil patay sa ilang hanay

PLANONG ipatawag sa General Santos City Police Office ang mga asosasyon sa mga driver sa trisikel sa GenSan aron makakuha og mga impormasyon ug matudloan unsaon nila maproteksyunan ang ilang kaugalingon.

Kini ang gibutyag ni PCol. Jomar Alexis Yap, labaw sa GSCPO human sa sunod sunod nga pagpamusil sa mga trisikel driver sa GenSan.

Segun niini, as soon as possible kinahanglan nilang matigom ang mga nahisgutan apan mag-agad usab sa availability sa mga nahisgutan.

Dako matud pa ang matabang sa maong lakang tungod basin makakuha sila og dugang impormasyon nga makatabang aron mailhan ang mga suspek sa pagpamusil sa mga trisikel driver, asa sa pinakaulahing insidente, naangin pa ang usa ka 4-anyos nga batang babaye.

Dugang pa ni Yap nga napatawag na niini ang tanang chief of police aron masayran unsa na ang update sa shooting incident sa ilang AOR ug gibutyag nga anaa pa sa proseso sa pag-ila sa mga suspek.

Gipamugos sa opisyal kinahanglang mahatagan og hustisya ang biktima sa mga nahisgutan.

Leave a Reply

Your email address will not be published. Required fields are marked *