Nakatanggap ng maraming puna at katanungan ang Department of Transportation (DOTr) matapos ang mga naitalang ‘unfinished’ airport at railway projects nito.
Ilan lang sa mga naitalang hindi pa nila natatapos na itayo ay ang mga airports sa parehong probinsya nina Senate President Juan Miguel “Migz” Zubiri at Senate President Pro Tempore Loren Legarda na Bukidnon at Antique.
Kaugnay nito, kinwestiyon ng parehong senador ang sanhi sa mabagal na paggawa ng mga ito.
Matapos namang hindi makasagot agad sa mga senador ni DOTr Undersecretary for Aviation and Ports Manuel Antonio Tamayo ay hiningan ito ni Legarda na magpasa sa komite ng progress report.
Samantala, giniit ni Legarda na hindi sila nagkulang sa pagbibigay ng pondo upang matapos ang mga nasabing proyekto.