MHO Daraga, magsasagawa ng pagbabakuna sa mga bata laban sa tigdas, rubella at polio ngayong buwan ng Mayo

LEGAZPI CITY – Simula ngayong buwan ng Mayo ay uumpisahan na ng Daraga Municipal Health Office (MHO) ang pagsasagawa ng Supplemental Immunization Activities o pagbabakuna laban sa tigdas, rubella at polio partikular sa mga bata.

Ayon sa tanggapan, mga batang may edad 0-59 months mula sa 15 mga barangay ang kanilang target na mabakunahan.

Kabilang sa mga ito ay ang mga barangay ng Sipi, Bagumbayan, Kimantong, Sagpon, Maroroy, Binitayan, Cullat, Market Site, Lacag, San Roque, Nabasan, Alcala, Kilicao, Anislag at Bascaran.

Hinikayat ng tanggapan ang mga magulang na tumungo sa kanilang covered court o barangay hall, kasama ang kanilang mga anak upang mabigyan ng bakuna laban sa mga nasabing sakit.

Layunin ng aktibidad na mabigyan sila ng proteksyon sa mga sakit na ito.

Leave a Reply

Your email address will not be published. Required fields are marked *