MIIKYAS NGA PROVINCIAL JAIL DETAINEE, MISURENDER NA

Pormal ng mitahan sa otoridad karong hapon ang miikyas nga provincial jail detainee nga si Vernaldo Reponio Batomalaque pinaagi sa pagpaningkamot sa Provincial Jail Warden nga makumbinse kini ug ang iyang pamilya nga motahan sa iyang kaugalingon.

Natigayon ang negosasyon ug pagsurender sa nasangpit nga detainee sa Purok 5, Limtum, Guipos, Zamboanga del Sur bandang alas-12:30 sa kaudtohon, Septembre 18.

Kahinumdoman nga mi-eskapo si Batomalaque kaniadtong adlawng Huwebes gikan sa Provincial Jail nga nahimutang sa Brgy. San Jose, Pagadian City.

Nasayran nga aduna kini kasong paglapas sa Republic Act 9516 ug Republic Act 10591.

Mitanyag gilayon si Provincial Governor Victor J. Yu og P100k isip reward sa makatudlo sa nahimutangan sa maong binilanggo.

Sa pagsulat ning maong balita, anaa na sa Kapitolyo probinsyal ang detention prisoner alang sa tukmang disposisyon labot sa pagtahan niini. (ZDS-PPB)

Leave a Reply

Your email address will not be published. Required fields are marked *