Gitugotan na ang mga minors nga makaduaw sa ilang mga ginikanan o kabanay nga piniriso sulod sa corrective facilities sa dakbayan sa Sugbo.
Matud ni Jail Officer III Blanche Aliño, tigpamaba sa Bureau of Jail Management Penology (BJMP-Cebu City) nga kini human ang tulo ka tuig nga pagsuspenso nila nga nakadalaw ang mga bata sa maong pasilidad tungod sa coronavirus disease (Covid-19) pandemic.
Nasayran nga gisugdan na nila ang pagtugot sa pagbisita sa mga bata sa ilang mga ginikanan sa Cebu City Jail, niadtong Abril 5.
Apan giklaro sa opisyal nga ang mga mubisita sa bilanggoan kinahanglan gihapon nga motuman sa gitakdang lagda ug regulasyon.
Gikinahanglan nga magparehistro ang tanang mga bata sa biometrics system sa prisohan ug kinahanglan aduna sila’y dala nga birth certificate gikan sa Philippine Statistics Authority (PSA).//