Arestado ang isa 42-anyos nga mister matapos naaktuhan nga nagaduso sang iligal nga droga sa Brgy I, Roxas City.
Ginkilala ang naaresto kay Ace Doromal Baes, residente sang Brgy Milibili sining syudad.
Nakuha sa posisyon kag paghinakop ni Baes ang anom tanan ka sachets sang ginapatihan shabu lakip na ang nabakal sang police poseur buyer, P3,500 buy bust money, isa ka kaha sang sigarilyo, duha kaha sang sunglasses kag Improvised glass tooter.
Nahibaluan nga yara sa listahan sang Street Level Individual (SLI) si Baes.
Ginabanta nga nagabug-at tanan sang 10 gramos ang nakumpiskar nga shabu kag nagabalor sang P68,000.
Sa karon, yara na sa kustodiya sang Roxas City PNP ang suspetsado kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare