Arestado ang isa ka 49-anyos nga mister matapos ginkasahan sang search warrant sang mga kapulisan sa sulod sang iya balay sa Brgy. Mianay, Ivisan, Capiz.
Ginkilala ang naaresto kay Nilo Boteja, residente sang nasambit nga barangay.
Narekober sang paghinakop ni Boteja ang isa ka unit sang .45 calibre nga armas luthang nga may 7 ka bala, 9mm pistol nga may 21 ka mga bala kag nakuhaan man ini sang apat ka sachets sang ginapatihan shabu.
Ang search warrant ang gin-isyu kag ginpermahan ni Hon. Lorencito Diaz, Presiding Judge sang RTC 6th Judicial Region, Branch 17, Roxas City, Capiz.
Sa karon, yara na ini sa kustodiya sang Ivisan PNP kag natalana nga pasakaan sang nagakaigo nga panumbungon. | Judy Ann Juare