Patay ro sambilog ka miyembro it LGBTQ matapos raya nga gin-eabo it sambilog ka construction worker nga kaibahan nana sa inuman sa Barangay Gibon, Nabas, Aklan ku Setyembre 25.
Base sa pahayag ni Police Staff Sergeant Melvin Alba Jr., imbestigador it Nabas Police Station, ginapilit segun it biktima nga si Ronnie Tamboong, 48, nga makipaghieawas sa ana ro suspek nga si Raymund Salvador, 32.
Base man sa pahayag ni Salvador, gab-i t Setyembre 25, kat ginhagad it biktima ro suspek agud mag-inom.
Samtang naga-inuman, makapilang beses nga ginkulit segun it biktima si Salvador nga makipagheawas pero ginbalibaran eamang raya it suspek pero uwa gihapon nagpamati sa biktima rason nga napikon si Salvador ag nabuoe it sanduko ag gin-eabo ro biktima.
Sa presente, kinasuhan ag nakapreso makara sa Nabas Police Station ro suspek./JIL B. LACSON