Miyembro sa Criminal gang, patay human misukol

Patay ang usa ka miyembro sa criminal gang human miksukol sa kapulisan sa Sta. Ana Police Station alas-4:15 kagahapon sa buntag, Hunyo 15, 2023 sa Purok Sta. Cruz, Brgy. Leon Garcia, Davao City.

Gila ni PLtCol. Ronald Lim Lao, Station Commander sa Sta. Ana PNP ang suspek nga si alyas “Emat” nga residente sa Brgy . Leon Garcia Sr., dakbayan sa Davao.

Una niini, nakadawat ang maong istasyon sa police og tawag gikan sa usa ka concerned citizen nga ang maong suspek nagbahis-bahis sa ilang lugar.

Dali sab nga girespondihan sa kapulisan ang maong report.

Sa dihang duolon na unta sa otoridad ang maong supek, kalit na lamang kini nga mibunlot sa iyang armas nga gituohang caliber .38 revolver ug gipusil si PCpl Tianson hinungdan nga mibalos kini isip depensa ingon man aron malikayan nga dunay maangin nga sibilyan sa nasangpit nnga lugar.

Naigo si alyas Emat hinungdan nga dali kining gidala sa Southern Philippines Medical Center (SPMC) apan gideklara kining dead on arrival sa attending Physician nga si Dr. Physician Mario Breva.

Nakuha sa crime scene atol sa gipahigayon nga parallel investigation sa DCFU SOCO 11 ang usa (1) ka unit sa .38 caliber nga walay serial number nga giundan og duha(2) ka buhing bala ug duha (2) ka fired cartridge cases ug duha (2) ka bala sa gituohang caliber 9mm.

Samtang, nakuha sab sa mga personahe sa SPMC gikan sa bag sa suspek ang 24 sa nagkadaiyang gidak-on sa pakete sa gituohang shabu nga gibana-banaan nga mutimbang og 11.5 grams nga dunay street value nga Php 180,000.00.

Duna say nakuha nga cash nga mubalor sa Php3,033.00 ang nakuha sa bulsa sa pantalon sa patay’ng lawas.

Ang mga enidensiya ang anaa na sa kustodiya sa DCFU  alang sa tukmang disposisyon.

Dugang nasayran nga ang suspek notadong kawatan, drug pusher, ug miyembro sa criminal Gang.