MMDA, nakatakdang ipresenta ang final draft ng single ticketing system sa NCR sa Feb. 1

Nakatakdang ipresenta ng Metropolitan Manila Development Authority (MMDA) ang final draft ng Metro Manila Traffic Code, na gagamitin para sa single ticketing system sa Metro Manila Council (MMC) sa February 1.

Ayon kay MMDA Chairperson Romando Artes, na inaprubahan ng technical working group ang final draft ng panukalang single ticketing system sa National Capital Region noon pang January 19.

Samantala, sa oras na maaprubahan, magpapasa ang bawat konseho ng 17 local government units (LGUs) ng ordinansa na ia-adopt ang Metro Manila Traffic Code, at saka ipapatupad matapos ang publication.

Sinabi ni Artes na target nilang maipatupad ito sa unang quarter ng 2023.

Mababatid na sa ilalim ng single ticketing system, mas magiging madali na para sa mga traffic violators sa National Capital Region na bayaran ang mga penalidad sa pamamagitan ng Bayad Centers o sa pamamagitan ng mobile apps.

Leave a Reply

Your email address will not be published. Required fields are marked *