Mobalibad sa pag-honor sa national ID, pamultahon

NAGPAHINUMDOM ang Philippine Statistics Authority (PSA) sa mga government agencies ug private entities nga multang P500, 000 og silot sa pagbalibad nga i-honor sa Philippine Identification (PhilID) card.

Ilawom sa Republic Act No. 11055 o Philippine Identification System (PhilSys) nga ang PhilID o national ID ang valid proof of identity ug kinahanglang dawaton sa tanang transaksyon.

Matud ni Atty. Maqtahar Manulon,director sa PSA-XII ang PhilID ang magsilbi isip official government-issued identification document sa gobyerno ug pribadong transaksyon.

Gihingusgan sa opisyal nga kinahanglang dawaton isip paigo nga mapatuod sa ilhanan ug dili na kinahanglan mopresenta pa og ubang identification documents. Ilawom sa balaud, masilotan ang mobalibad nga modawat og di muila sa PhilID card pinaagi sa pagpamulta og P500, 000.

Ugaling opisyal o empleyado sa gobyerno ang mosupak, silot nga perpetual absolute disqualification sa paggunit og unsa mang public office o employment sa gobyerno lakip ang unsa mang government-owned and controlled corporations ug uban pang subsidiaries.

Samtang, dungan sa mandu ni Pangulong Ferdinand Marcos Jr., nga angayang mahuman ang 92 milyon nga ID sa Hunyo, naa pa lang sa 32 milyon karon ang nahimo nga ID sa ilang partner. I Richel Gubalani

Leave a Reply

Your email address will not be published. Required fields are marked *