Mokabat ug mga 92 ka gramos kapin kon kulang sa gituohang shabu nga mo kantidad ug mga P625,600.00 mil ang nasakmit sa mga otoridad diha sa Purok 6, Brgy. Magatas, Sibulan, Negros Oriental.
Giila ang na arresto mao si Archie Caino Alviola, a.k.a ‘’Champion’’, 44 anyos, menyo, taga Housing Project, Barangay Cadawinonan, Dumaguete City.
Nasikop ang suspetsado atol sa gipahigayon nga buy bust operation sa kapulisan sa mga sakop Provincial Drug Enforcement Unit , Special Operation Group ug Provincial Intelligence Unit, Diin malampusong nasikop ang maong suspetsado.
Gialegar nga nakuha gikan sa posisyon sa suspetsado ang managlahing gidak.on sa mga pakite sa gituohang shabu ug lakip na niini ang 1000 ka pesos nga Buy Bust Money.
Sumbong paglapas a sa Republic Act 9165, kon comprehensive Drugs Act of 2002 ang atubangon sa suspetsado.//Rennier ARACO JR
