Mikunhod ang mortality rate sa mga babayeng gapanganak sa Cagayan de Oro sigun sa City Health Office.
Matud ni Medical Officer IV Maternal, Newborn, Child Health and Nutrition Medical Coordinator Dr. Aleta Santos nga gikan sa 148 ka kaso sa mortality sa 2020-2022, miubos pa kini sa 118 hangtod sa 87.85 nga mortality rate.
Ning kasamtangan nga tuig 2023, usa na lamang ang natala nga nakabsan sa kinabuhe tungod sa pagpanganak dinhe sa syudad.
Basi sa sustainable development goals sa WHO o World Health Organizaton, kinahanglan ubos pa sa 70 per 100,000 live births ang maternal mortality ratio.
Kini nga target na-angkon na sa Cagayan de Oro, apan tungod sa transient mortality death nga gikan sa laing lugar nga na-admit sa balay tambalanan sa syudad, nalakip kini sa ihap sa Cagayan de Oro.
Kung hisgutan sa syudad anaa lamang sa 50-40 ang mortality rate, apan kung ilakip ang transient mortality anaa sa 70.
Sa karon gipalapdan pa ang pagpatuman sa mga programa ilabi na ang monitoring sa 54 ka health centers, ug ang pagdasig sa mga mabdos nga regular nga magpa-prenatal.
Gawas pa kini sa pag-hire og daghan sa mga midwife nga mo-abag sa responsibilidad sa mga doctor nga naka-assign sa mga health centers sa syudad.