Arestado sa gahum it warrant of arrest ro top 1 most wanted person it Banga, Aklan.
Ginkilaea ro inaresto nga si Virgilio Custodio, Jr. y Raval, 35 anyos, single ag residente it Waling-Waling St. Barangay Poblacion, Banga, Aklan.
Na-corner raya it mga elemento it Banga MPS ag Aklan Police Provincial Office sa may Barangay Linayasan, Altavas, Aklan.
Si Custodio hay may ginapangatubang nga kasong Rape ag may warrant of arrest nga gin-isyu si Honorable Bienvenido P. Barrios, Jr., Presiding Judge, 6th Judicial Region, Branch 3, Regional Trial Court, Kalibo, Aklan nga may petsang May 24, 2022.
Owa it gintaeana nga piyansa ro korte para sa temporaryo kara nga kahilwayan.
Sa makarun ro akusado hay sa kustodiya it Banga MPS para sa documentation bago i-turn over sa korte. / ANN DESLENE SALAZAR