Motibo sa pagpusil patay sa usa ka babae sa Opol, Misamis Oriental gi-imbestigahan na

Gi-imbestigahan na karon sa otoridad ang motibo sa pagpusil patay sa usa ka babae sa Sitio Kamingawan Barangay Patag lungsod sa Opol, Misamis Oriental.

Gibutyag ni Opol Municipal Police Station Officer-in-Charge Police Lieutenant Jimmene Bagas nga sa hilit nga lugar napalgan ang patay’ng lawas sa biktima nga hangtod karon wala pa naila.

Gisuta sab nila ang posibilidad nga gilabay ug gitiwasan lamang sa area ang maong biktima homan nasab nga walay makita nga daghang marka sa dugo kung asa napalgan ang patay’ng lawas niini.

Gani subay sa report sa Scene of the Crime Operatives muabot sa tulo ka samad-pinusilan ang nahiagoman sa biktima, lakip niini sa aping, tiyan ug dughan.

Lisod sab nga maila sa otoridad ang biktima tungod wala kini bag o dukumento nga ma-ila sa pagkatawo sa babae, gawas lamang sa gibitbit niini nga payong.

Samtang namahayag si Barangay Patag Kagawad Arwin Baculio nga dili residente sa ilang brgy. ang biktima ug naglisod sab sila sa pag-ila niini.

Sa karon ang patay’ng lawas sa babae nga gibana-banang nag-edad og 50-anyos anaa gipahimutang sa Bolluzos Funeral Homes. -END-(Claudine)

Leave a Reply

Your email address will not be published. Required fields are marked *