Motorcycle rider naglikaw sa tricycle, motor nakabonggo sa kahoy, back rider patay.

Naglikaw sa ginasundan nga trycicle ang motorcycle rider rason nga ang ginamaniho nga motor ang nagtaklas sa concrete sidewalk kag nakabunggo sa kahoy tunaan nga naglabog ang rider pati ang iya asawa nga backrider.

Natabo ang aksidente tinalikdan nga Disyembre 8, alas 9:30 sang aga sa National Highway Sitio Hilis Prk.16 Brgy. Inauayan banwa sang Cauayan Negos Occidental.

Ang rider ang ginkilala sa kay Benedicto Robles, 35 anyos residente sang Upper Cawas, Brgy. Canlamay banwa sang Ilog samtang ang iya angkas nga iya man asawa ang ginkilala sa kay Ritchel Robles 36 anyos residente sang Prk.4 Brgy. Magballo syudad sang Kabankalan.

Suno sa kay PCpl. Rayzen Bonn Rivera, traffic investigator sang Cauayan Municipal Police Station, padulong kun tane ang mag-asawa sa Punta-Bulata gikan Kabankalan sang hinali nagguwa ang trycicle paliko padulong sur, nga ginamaniho sang senior citizen nga ginkilala sa kay Ignacio Gayola sa natu-o nga bangga rason nga naglikaw man patu-o ang motorsiklo agud indi niya ini mabungguan.

Dugang ni Rivera, nakabunggo pa sa tindahan ang motor antis nakabunggo sa puno sang ipil-ipil kag naglabog sa kalog, kilid sang talamnan ang mag-asawa.

Bangud sa kataason sang ila nahulugan kag lunsay wala nagasuksok helmet ang mag-asawa, nag-angkon sang malubha nga pilas sa ulo ang asawa gintunaan sang iya kamatayon samtang ang bana ang padayon sa karon nga ginabulong sa ospital bangud man sang pilas sa ulo kag butkon.

Ginpahayag man sang imbestigador nga wala sang lisensiya ang driver sang motorsiklo rason nga ginlikawan sini ang trycicle agud indi niya mabunggu-an.

Wala naman panabton ang trycicle driver bangud, suno sa imbestigador wala malab-ot ang iya trycicle kag ginakabig nga self-inflected ang natabo nga aksidente.

Leave a Reply

Your email address will not be published. Required fields are marked *