Na hit and run ru sangka motorista matapos sipaon it angkas ko kasunod nga motrosiklo sa Toting Reyes St., Kalibo kabie.
Nakilaea ru natumbang driver it motorsiklo nga si Benjon de Felix, 23 anyos it Brgy. Medina, Madalag, Aklan ag ngkas nga si Prince Jorly Baltazar, 25 anyos it Brgy. Tabon, Batan.
Naka angkon it nina sa parte it kaeawasan ru mga biktima rason nga sumemplang sa karsadahon.
Eagi man nga gin respondehan it MDRRM-Kalibo ru insidente para daehon sa hospital apang matapos ru pagbueong hay naging out patient man rum ga biktima.
Samtang, naga pabilin pa ru imbistigasyon it mga kapulisan angot sa insidente.//MARIVIC Y. ILIN