PATAY on the spot ang usa ka motorista human kini nalatayan sa trailer truck alas 2:40 ang takna kagahapon sa hapon didto sa Lower Lanitum Suawan, Marilog ning syudad sa Davao.
Ang nakabsan naila nga si Junrel Amandoron, hingkod ang edad, minyo nga taga Calinan, nagmaneho sa iyang motorsiklo karga ang mga similya sa lubi.
Sumala pa sa mga nakasaksi sa hitabo, pasubida ang biktima ug kusog ang padagan niini dihang nashort atol sa pag-agi sa trailer truck hinungdan nga nabanggaan ug nalatayan.
Grabeng mga samad sa lawas ang nahiaguman sa biktima nga gisulayan pa og tabang sa mga volunteer responder apan pila ka minutos ang milabay nakutluan gihapon sa iyang kinabuhi.
Samtang ang drayber usab sa trailer truck ang temporaryo unang gikustudiya sa Marilog Police Station alang sa dugang imbistigasyon.BNFM-DAVAO