Sangka tricycle ro sinunggaban it motorsiklo sa may national highway sa Brgy. Tigayon, Kalibo, Aklan.
Ro tricycle hay ginamanehu ni Snoky Sta. Maria 39yo ag residente it Brgy. Linabuan Sur, Banga ag nasayuran nga sa impluwensya it aeak.
Sa imbestigasyun, halin sa Kalibo paagto it Banga ro tricycle kat gulpi raya nga banggaan sa likod it sangka motorsiklo nga ginamanehu ni Roderick Rebanio 25yo nga residente it Brgy. Linabuan Norte, Kalibo ag nakainom man.
Bangud sa aksidente hay nag angkon it lastro sa ueo ro motorista nga insigidang dinaea sa Aklan Provincial Hospital samtang nawasak man ro likod nga bahin it tricycle. / ANN DESLENE SALAZAR