Aksidenteng sumunggab ro sangka motorista sa sangka pampasaherong van sa Brgy. Calimbajan, Makato kaina it alas 10:43 it agahun.
Sa report nga nabuoe it Brigada News FM Kalibo, ro owa ginpangaeanan nga motorista hay sangka kolektor, 29 anyos ag taga Brgy. Tina, Makato.
Paagto segun it Tangalan ro motorista samtang paagto man it Kalibo ro van kat matabo ro aksidente.
Nag overtake segun ro nasambit nga motorsiklo ngani sumunggab raya sa van.
Nag angkon it gasgas sa eawas ro biktima, nabali ro siki ag alima kara nga makarun hay padayun nga ginabueong sa Aklan provincial hospital, samtang basag man ro windshield it nasambit nga van.
Insigida man nga rumesponde ro BFP Makato ag Makato PNP sa nasambit nga aksidente. // ANN DESLENE SALAZAR