Motorsiklo, gin abandona matapos mag counter flow

Gin abanduna ru motorsiklo it driver matapos mag counter flow sa C. Laserna St,. Kalibo, Aklan.

Suno kay Mr. Pepito Zapues, 43 anyos it Brgy. Old Buswang, Kalibo, ru naka duty na Kalibo Auxiliary Police, pinarahan na ru driver it Mio Sporty nga motorsiklo, color nga mantle green ag may Engine Number 31 TE-018467.

Napansin it KAP Member nga ru motorsiklo hay uwa’t na attached nga plate number.

Kat sitahon, nag promesa ru driver nga maga-uli eamang imaw sa ananda panimaeay agud bue-on ru mga dokumento it motorsiklo apang hasta sa makaron hay uwa nakabalik.

Gin pakamayad lang it KAP member nga  ipa blotter sa Kalibo Municipal Police Station ag eagi man nga gindaea sa impounding area sa Oyotorong St., Kalibo.//MARIVIC Y. ILIN

Leave a Reply

Your email address will not be published. Required fields are marked *