Movement it karne ag iba pang pork-related products sa Barangay Alibagon sa banwa it Makato, kontrolado

Paga kontrolon eon ro hueag it mga karne ag iba pang pork-related products sa Barangay Alibagon ag ro kaeapit kara nga mga Barangay it Baybay ag Tugas sa banwa it Makato.

Raya hay base gihapon sa Executive Order nga ginpaguwa ni Makato Mayor Ramon MON D. Legaspi III.

Indi man pwedeng maisyuhan it Barangay Certification ro mga baboy halin sa Barangay it Alibagon ag kaeapit kara nga mga Barangay it Baybay ag Tugas ag indi man pwedeng makasueod ro mga saeakyan nga nagabakae it baboy kamana man ro mga private technician it baboy.

Pagapasugtan ro pagsueod kara pero indi eon pwedeng makaguwa ro mga karne ag iba pang pork related products ag buhi nga baboy halin sa nasambit nga tatlong barangay.

Indi eon man puwedeng magbatun ro Makato slaughterhouse it baboy nga halin sa Alibagon ag Baybay ag igapatigayun ro regular nga pag dis-infect sa slaughterhouse.

Bawaeon man sa tindahan it Makato ro pagbaligya it baboy nga owa gin-matansa sa slaughterhouse.

Ginmandu man ni Mayor Legaspi ro mga Punong Barangay nga magkrear it andang kada Barangay Biosecurity Officers nga maga monitor sa tagsa nanda ka mga barangay kaeakip eon ro pag set-up it border control points ag pagpatuman it mga biosecurity measures. // ANN DESLENE SALAZAR