Nagbabala si Manila Police District Dir. Brig. Gen. Andre Dizon sa mga pulis na nagbabalak pang mangotong na ihinto na nila ito.
Ito nga ay makaraang ma-aresto kamakalawa ang tatlong pulis-Maynila dahil sa ‘di umano’y pangongotong sa mga na-impound na traysikel dahil sa paglabag nito sa batas trapiko.
Huli sa entrapment operation ang tatlong mga personnel dahilan para ma-relieve ang lahat ng mga tauhan ng Paco Police Community Precint pati na rin ang commander nito.
Ayon kay Dizon, dapat ay magsilbi na itong paalala na sa ilalim ng bagong liderato ng Pambansang Pulisya – wala silang sasantuhin at ito-tolerate na mga kalokohan ng kanilang mga tauhan.
Hindi rin daw sila magaatubiling sibakin sa puwesto ang mga pulis na mapatutunayang sangkot sa katiwalian at kasuhan ng mga kasong kriminal at administratibo.
Sa ngayon, ang mga pulis na kinilalang sina P/SSg. Erwin Licuasen, P/Cpl. Chimber Rey Importa at Pat. Leopoldo Tuason, ay dinala na sa headquarters ng IMEG sa Kampo Krame.
#
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…