Gipalawman na sa Cagayan de Oro City Police Office ang nahitabo nga pagpamusil patay sa Mr. Cagayan de Oro 2023 candidate sa 13th Street Barangay Nazareth ning syudad.
Naila ang biktima nga si Adriane Rovic Fornillos, 24 anyos, residente sa Barangay Lapasan ug graduating student sa kursong Engineering sa usa ka dako nga unibersidad ning syudad.
Matud ni COCPO City Director Police Colonel Aaron Mandia nga duna na’y team nga mihimo sa pag-back tracking sa CCTV nga duol mismo sa area kung asa nahitabo ang krimen.
Hugot sab nga nakig-koordinar ang kapolisan sa uyab ug pamilya sa biktima aron makakuha sa impormasyon nga maoy makatabang sa imbestigasyon aron mapadali ang paghatag hustisya sa biktima.
Una niini migawas sa imbestigasyon nga gikan sa gym ang biktima, ug mi-diretso kini sa brgy. Nazareth sa iyang trainor alang sa talent niini nga gipangandaman alang sa gitakda nga Mr. Cagayan de Oro 2023.
Gani sa wala pa mahitabo ang pagpamusil, duna pa’y ka estorya ang biktima.