Umalboroto ru pilang ka mga multi-cab drivers sa Western side Terminal matapos nga may ibang mga naga byaheng van nga naga okupa sa parkingan sa Oyotorong St., Kalibo, Aklan.
Suno kay Mr. Alex Rubias, driver it multi-cab, gin paabot eon ru problema sa Munisipyo’t Kalibo apang hasta sa makaron hay uwa pa gihapon it naga kaigo nga action.
Gina agaw it mga naga byaheng van ru mga pasahero it multi-cab halin sa Western Side it Aklan.
Gin paabot man ni Rubias nga dapat ayuson ru samad eon nga sim nga atop it terminal dahil may gina sukot sanda nga terminal fee kada adlaw.
Samtang, out of order man ru comfort room nga tuman ka perwisyo sa mga apektadong driver.//MARIVIC Y. ILIN