Municipal tourism and cultural heritage office, nagsagawa ng culinary activity tungkol sa pinangat processing sa pagdiriwang ng National Arts Month

LEGAZPI CITY – Aabot sa 50 mga mag aaral ang lumahok mula sa bayan ng Camalig, Albay ng  culinary activity tungkol sa Pinangat-processing ng Municipal Tourism & Cultural Heritage Office (MTCHO) para sa pagdiriwang ng National Arts Month.

Ayon sa nasabing opisina, ito ay alinsunod sa programang “Isang Bayan, Isang Produkto” na naglalayong bigyan ang mga mag-aaral ng mahahalagang kaalaman sa Pinangat-processing, mula sa paglalagay at paghahalo ng mga sangkap, pagtitiklop at pagbubuklod, hanggang sa aktwal na pagtatanghal.

Dahil dito, matututo na ngayong gumawa ng Pinangat ang mga mag-aaral sa Technology and Livelihood Education (TLE) mula sa ilang mga paaralan kabilang ang Camalig National High School (NHS), Cotmon NHS, Caguiba NHS, Bariw NHS, at Dominical School at iba pa.

Binibigyang-diin dito ang kahalagahan ng pakikilahok ng mga kabataan lalo na sa pagpapalusog ng kultura na nakabatay sa mga gawi na may layuning mapaunlad ang mga ito.