Naka panguna sa may pinaka-abo nga kaso’t COVID-19 ru Municipalidad it Banga sa probinsya’t Aklan.
Sa datos it Provincial Epidemiology ang Surveillance Unit (PESU)-Aklan, nakalista ru Banga it 29 aktibong kaso, naga pangaywa ru Municipalidad it Malinao nga may 28; naga pangatlo ru Kalibo-19; sinundan it Nabas-15; New Washington ag Numancia nga may tag-14; Madalag-10; Libacao-8; Malay- 7; Batan ag Makato- 5; Balete-2 ag Altavas-1.
Sa gin himo nga samples test ku July 22, sa kabiluguan nga 344; 157 ru positive results; 187 ru negative results.
Naga-abot eon sa makaron sa 46% ru positivity rate.
May total Confirmed Cases- 6,893 ru probinsya.
Sa kabilugan, naga-abot eon sa 5,424 total recoveries matapos madugangan it 109 ru panibag-ong nag mayad sa maka maeatay nga sakit.
May active cases-1, 324; naga-abot sa 1, 061 ru gin butang eon sa facility quarantine, 154 ru gin paidaeom sa home quarantine, 109 ru admitted sa hospital.
May 5 panibag-ong namatay dahil sa COVID-19 ag may kabilugan eon nga 145 total related deaths.//MARIVIC Y. ILIN