Naga panguna sa may pinakamaraming kaso it COVID-19 ru Municipalidad it Batan nga naga-abot sa 6 nga kaso kahapon September 15.
Sa datos it PESU-Aklan, naga-abot sa 29 ru bag-ong positibong kaso ag nag hatud sa 28% positivity rate.
Naga-abot sa 12,237 ru kabilugan nga kompermadong kaso it COVID-19.
318 man ru aktibong kaso nga kun siin, naga-abot sa 223 ru gin butang sa facility quarantine; 52 ru sa home quarantine ag 43 ru admitted sa hospital.
May kabilugan nga 310 ru mga namatay sa COVID-19.
May una nga tag-5 kaso sa Banga ag Kalibo; Malay-4; Numancia-3; Makato -2; Ibajay, Lezo, Madalag ag Malinao nga may tag-1.//MARIVIC Y. ILIN