LEGAZPI CITY – Sa karsel an bagsak kan pigkokonsiderar na Municipal Most Wanted Person kan Libon, Albay na may kasong “statutory rape” o panlulugos nin menor de edad.
Sa pakikipagtabangan sa Sta. Maria Bulacan MPS asin Bato MPS, naarestar an suspetsado sa Purok 3, Bgry. Payak kan Bato, Camarines Sur sa kusog kan mandahamiento de aresto para sa nasambit na kaso na pirmado ni Hon. April Annie Torqueza-Pabillar kan 3rd Judicial Region, Branch 6, Sta. Maria, Bulacan.
Wara nin piyansang inirekomendar an korte para sa saiyang temporamenteng libertad.
Kapot na ini kan mga otoridad para sa magkakanigong disposisyon.