NABALIK na sa Sarangani bay ang na-rescue nga babayeng Olive ridley sea turtle human kini milagsik ug Ganado na sa pagkaon.
Enero 9 na-rescue sa baybayun sa purok Pananggalon, Barangay Poblacion, Malapatan ang maong pawikan nga nagluya tungod sa steel wire nga natulon niini.
Gilayun kining gidala sa local rescuers sa SBPS Marine Wildlife Rescue Center sa Barangay Ladol.
Gilayun nga nagpahigayon og surgical operation si Dr. Roy Mejorada, in-house veterinarian sa SBPS-PAMO sa nahisgutang pagong.
Sulod sa upat ka adlaw nga pagpaayo, gilayung gibuhian sa iyang natural habitat sa pagong.
Gipasalamatan usab ni SBPS Protected Area Superintendent (PASu) Joy Ologuin ang paspas nga pagrespondi sa mga local partners ug Bantay Dagat.
Karong turtle nesting season, ginawhag usab ni DENR DENR PENRO Sarangani Maria Elvira Lumayag ang tanang stakeholders, coastal communities, ug local industries nga imintina ang kalimpyo sa mga baybayun aron nga mahatagan og igong ang mga marine turtles nga makapangitlog.
Ang Sarangani Bay ang pinuy-anan sa upat ka species sa marine turtle: ang Green sea turtle (Chelonia mydas), Olive Ridley (Lepidochelys olivacea), Loggerhead Turtle (Caretta caretta), ug ang critically endangered Hawksbill Turtle (Eretmochelys imbricata).
Photo by DENR Soccsksargen