Giawhag sa Cebu Police Provincial Office ang mga turista sa lungsod sa Sta. Fe, Isla sa Bantayan nga na-scam nga moadto sa Anti-Cybercrime Unit-7 aron matabangan ug ma-imbistigahan ang nahitabo.
Kini human adunay mga turista ang nailad sa ilang gi-book nga accommodation pinaagi online sa Bantayan Island.
Tungod niini, nipahimangno sa publiko si Police Lieutenant Colonel Mark Gifter Sucalit, Deputy Provincial Director for Operations sa CPPO nga magmabinantayon sa transactions nga himuon sa online aron dili mailad sanglit nahinangat na usab ang summer vacation.
Gidugang niini nga aron dili ma-scam o mailad makig-alayon sa tourism offices tungod kay sila maoy official ug legal nga buhatan nga makatabang sa mga ingon niini nga concerns.//