Naangkon nga proyekto, gipasalamatan sa mga residente sa brgy. Bacay ll, Veruela ADS

Sangko sa langit ang pagpaabot ug dakong pagpasalamat sa mga residente ug mga opisyal sa Bacay II sakop sa lungsod sa Veruela human naangkon nila nga proyekto gikan sa Lokal nga pangamhanan nga mao ang Covered Court.

Sa eklusibong pakig hinabi kang Hawudon Renaldo Sevilla ang Barangay Indigenous Cultural Communities/Indigenous Peoples (IPMR) gahapong adlawa, dako ang pasalamat niini sa gobyerno tungod kay ang ilahang damgo sa nakalabay nga katuigan natuman ug nahatag na ngadto kanila nga dakong tabang kanila panahon nga dunay aktibidad nga ilang ipahigayon duna na silay magamit nga benyu nga Multi porpuse hall.

Gipaambit sa gikabutyag nga opisyal nga kaniadtong nakalabay nga katuigan wala silay naaninaw apan sa kasamtangan hinay-hinay nang milambo ang ilang barangay tungod kini sa tabang ug supporta sa mga opisyal sa Veruela.

Madumduman nga nagmalampuson ang gipahigayon nga turn-over ceremony sa Bacay II Government Center ug Multi-purpose Hall sa pagpanguna ni Mayor Myrna Mondejar, kauban si kanhing Mayor ug kasamtangang Sanguniang Bayan Loloy Mondejar, Bise Mayor Edgar Brigole kauban ang mga dagkong opisyal sa lungsod ug presenya usab sa mga kapulisan sa pagpanguna ni Police Leutenant Allan Badajos ug uban pa.

Leave a Reply

Your email address will not be published. Required fields are marked *