Nabilin nga Astrazeneca Vaccine sang probinsya wala nagamit bangod expire na – Atty. Diaz.

Gin-ako ni Negros Occidental Provincial Administrator Atty. Rayfrando Diaz II may yara sang pila ka mga AstraZeneca vaccines sang probinsya ang nagkala-‘espire’. 

Suno kay Diaz sandig sa incident report ni Dr. Claudella Josefa Pabillo, Office-In-Charge sang cold room sang Provincial Health Office kag subong man Acting Chief of Hospital sang Lorenzo Zayco Distirct Hospital  sa syudad sang Kabankalan, ang rason sini amo nga ang AstraZeneca vaccines nga nabaton sang probinsya sadtong nagligad nga Nobyembre 3 ang manug-expire na ukon nag-expire na sadtong Nobyembre 30, 2021.

Bangud sini, sandig sa provincial administrator madamo sang mga local government units indi magbaton sang manug-expire nga bakuna. Iya ginklaro kun ginahatagan sang probinsya sang kabilinggan nga magamit sa gilayon ang ginabaton sini nga vaccines mas lubos ginahatagan sang importansya ang mga pumuluyo nga gusto magpabakuna.

Dugang pa sini, indi gusto sang probinsya gamiton ang manug-expire nga bakuna.  Sandig kay Diaz ang expired AstraZeneca vaccine  nagalambot sa 1,400 ka vials ukon kapin sa 14,920 ka doses.

Leave a Reply

Your email address will not be published. Required fields are marked *