Naga City, kinukulang na sa ambulansya dahil sa COVID-cases

NAGA CITY- Nagrereklamo ang ilang mga COVID-patient na dapat dalhin sa isolation facility o kaya sa treatment facility dahil maraming pagkakataon na naiinip sila sa kahihintay ng ambulansya.

Sinabi ni City Health Officer Dr. Butch Borja na sa dalawang hawak nila ngayong ambulansya ang isa rito ang ginagamit sa paghatid ng specimen sa Bicol Regional Diagnostic and Reference Laboratory (BRDRL)sa Legazpi habang ang isa ay ginamit sa pagsundo at paghatid sa mga pasyente sa ospital o mga isolation and treatment facility. Kaya malaking problema aniya kapag magkakaaberya ang isa.

Bukod sa dalawang gamit ng City Health may lima pang nasa ilalim naman ng City Disaster Risk Reduction and Management Office o CDRRM, subalit ngayong pandemya sinabi ni CDRRM Officer Erning Elcamil na may mga pagkakataong 12 na ambulansya ang kailangan sa parehong pagkakataon. Dahil dito humihiram na sila ng ambulansya sa mga pribadong tanggapan tulad ng Philippine Red Cross, minsan ay humihiram na rin sa provincial Government ng Camarines Sur.

Leave a Reply

Your email address will not be published. Required fields are marked *