Naglabay og baby sa kanal gipangita sa otoridad

Padayong nanawagan ang otoridad sa ginikanan o inahan sa usa ka bata nga unang napalgan sa miaging Hulyo 24, 2021 nga mutumaw na aron atimanon ang bata.

Kini human hangtud sa pagkakaron wala pa gihapoy ni-claim sa bag-ong himugsong batang babaye nga unang nakit-an sa mga reponder sa BDRRMC sa Panacan nga gilabay sa usa ka kanal sa Golden Hills, Panacan, Davao City.

Gibutyag ni Davao City Police Office spokesperson Police Capt. Rosario Aguilar, nga nakig-alayo na karon ang mga hinungdang buhatan aron subayon ang mga posibleng nanganak sa mga kasikbit nga lugar sa Brgy. Sasa.

Apan bahad sa opisyal nga kung mapamatud-an nga dunay pagpasagad sa bahin sa ginikanan o sa inahan sa bata posibleng makasuhan kini ubos sa  RA 7610 kon Anti Child Abuse Law.

Sa pagkakaron, ang bata nga unang gipailawum sa medical examination sa Southern Philippine Medical Center ang giatiman una sa City Social Welfare and Development Office samtang nagpadayon ang pagsubay sa tinood nga inahan sa bata.BNFM-DAVAO