Nagpayuhot og illegal nga droga, sikop sa otoridad

TINGKAGOL sa prisohan ang usa ka lalaki human madakpan sa gipahigayong drug buy-bust operation sa mga kapulisan kaniadtong Hunyo 21, 2021 sa alas 9:53 sa buntag, sa may P-7 Talic, Oroquieta City, Misamis Occidental.

Giila ang suspetsado nga si JALS SUMAGUIO AGAD (IMKW Target Listed).

Napalitan ug nakompiska kaniya ang napulo’g pito (17) ka piraso nga mga rektanggulong sachet nga  adunay sulud nga puti nga kristal nga substansiya nga gituohang shabu, nga adunay gibug-aton nga MOL 1 gramo ug gibanabana nga mobalor sa  6, 800 ka pesos, usa ka 500 pesos  isip buy-bust money, usa ka piraso (1) Marlboro nga asul nga kahon sa sigarilyo.

Ang mga ebidensya nga droga gipasa sa PDEA RO-X Laboratory Office, alang sa husay ug kadaghan nga pagsusi.

Samtang ang gidakup nga suspetsado, naa sa kustodiya sa PDEA RO-X Misamis Occidental Provincial Detention Cell, tungod sa paglapas RA 9165 nga giandam alang sa pagpasaka sa korte batok sa suspek._BNFM Oroquieta