Nagtitinda ng tinapay, hinoldap sa bayan ng Taytay

Kinumpirma ng barangay kagawad ng Brgy. Sandoval, Taytay Palawan na may nangyaring pangho-holdap sa barangay ngayong Martes, ika- 27 ng Hulyo.

Ayon kay Kgd. Ednor Pateño, ang biktima ng hold-up ay si Joey Arzaga  na residente ng Brgy. Canique sa Taytay.

Humingi daw ito ng tulong matapos na ma-holdap ng 2 kalalakihan habang papauwi sa Brgy. Canique bandang alas- dose ng tanghali kanina.

Sakay ang biktima ng top down motorcycle galing sa Brgy. Mabini at Brgy. New Ibajay sa bayan ng El Nido at pagdating sa Sitio Cabanatsi sa Brgy. Sandoval ay dito na siya binato ng dalawang kalalakihan na may dalang itak.

Nagawa nitong makailag pero napahinto siya matapos tamaan ng bato ang minamaneho, dito na sapilitang kinuha sa kanya ang bag na naglalaman ng pera na aabot sa limang libong piso.

Matapos makuha sa kanya ang bag at pera ay agad itong tumakbo para humingi ng tulong sa opisyal ng barangay.

Sinabi ni kagawad Ednor na posibleng pera lamang ang habol ng mga suspek dahil hindi na nito hinabol ang biktima matapos makuha ang pera. Idinagdag ng opisyal na hindi ito ang unang pagkakataon na may naitang insidente ng pangho-holdap sa kanilang barangay.

Leave a Reply

Your email address will not be published. Required fields are marked *