Ginhinalaan nanday City Mayor Ronnie Dadivas kag mga opisyal sang Department of Public Works and Highways (DPWH) Capiz 1st Engineering District ang mga proyekto nga nakalinyada sa syudad sang Roxas.
Suno kay Dadivas, ginplastar sang mga opisyal sang DPWH ang mga proyekto nga nakaprograma nga ipatuman sa 2024.
Kadungan sini ginhinyo ni Mayor Dadivas ang posibilidad nga pag-reprogram sang pila ka proyekto kapareho sang nagadoble na nga multi-purpose hall pakadto sa mas mapuslanon kag kinahanglanon gid nga proyekto.
Isa man sa ginhinyo sang alkalde ang pagpahamtang sang access road sa Mongpong-Cogon kag Culajao subongman tulay nga magaangot sa Bato kag Banica.
Nalipay naman si Dadivas sa tagdumalahan ni District Engineer Cecil Laurence Cruz nga ginatinguhaan nga may koordinasyon sa syudad ang ila ahensya. Pinaagi sini pareho nga matumod ang mga proyekto nga importante sa pumoluyo kag barangay.