Patay ang usa ka laborer human natagak sa gisak-an nga punoan sa kahoy diha sa Purok Pinya C, Brgy. Basag, Butuan City sa nakalabay’ng alas – 10:30 sa buntag.
Giila ang biktima nga si Alfredo Ohina Socobos, 42-anyos, minyo, laborer ug residente sa P-Saging-B, Brgy. Basag ning syudad.
Sa imbestigasyon sa Ampayon Police Station nanguha og dugos ang biktima uban ang upat ka mga kaubanan.
Kalit matod pa kining natagak gikan sa gikatkatang punoan nga gitawag og “DAO TREE” resulta sa iyang hinanaling kamatayon.
Gisuwayan pa kini pagdala sa Butuan Medical Center (BMC), apan gideklara kining dead on arrival sa attending physician.