BICOL – PIGKAKARKOLONG maabot sa bente otsong mga Micro, Small and Medium Enterprises o MSMEs an naasisteran kan Department of Science and Technology (DOST) sa enot na anom na bulan kan presenteng taon.
Ito mismo ang ibinahagi ni DOST Secretary Fortunato Dela Peña.
Segun pa sa saiya maabot na sa bente otso milyones de pesos na pondo an naipaluwas kan ahensya para sa asistensya kan nasabing MSMEs gamit an pondo kan saindang Small Enterprise Technology Upgrading Program o SETUP.
Obheto kan SETUP na ma ingganyar asin giyahan an mga MSMEs sa pag adopt kan man-iba ibang technological innovations para sa ikakauswag kan saindang operasyon asin pagserserbisyo.
Mantang apwera sa loan para sa mga MSMEs na pwedeng bayadan sa laog nin tolong taon, nag ofrecir man an DOST nin libreng training para sa mga ini siring man tabang tanganing makabakal nin mga mga ekipahe asin kagamitan na kaipuhan kan saindang mga negosyo.
Dugang pa ni Dela Peña, kadaklan sa bente otsong MSMEs na ini an kabale sa food processing sector mantang 32% an nasa metals and engineering.
18% an kabale sa agricultural sector; 3% an nasa gifts/decors/handicrafts mantang an iba an gikan sa ICT asin garments industry.
Sa huri pigcierto kan opisyal na magdadagos dagos an saindang suporta para sa ma MSMEs sa rehiyon kasabay an pag-ingganyar sa mga ini na tabangan man an saindang komunidad sa paagi kan pag crear nin dakul na trabaho.