National Bloodletting Activity sang Brigada Mass Media Corp sa Roxas City, nangin madinalag-on

Madinalag-on ang ginpatigayon nga Dugo para sa KaBrigada Nationwide Bloodletting Activity nga may tema “Dugtong buhay, Dugo i-alay” nga ginhiwat sa Purok 3 Covered Gym, Brgy. Libas, Roxas City subong nga adlaw sang Sabado, Abril 29.

Ang nasambit nga aktibidad sang Brigada Mass Media Corp. kabulig ang KaBrigada Foundation kag Philippine Red Cross ang isa ka tuigan nga buluhaton nga may tinutuyo nga magsalbar sang kabuhi pinaagi sa pagdonar sang dugo agud nga ibulig sa mga nagakinahanglan.

Nagpasakop dire ang 57 ka indibidwal nagikan sa nagkalain-lain nga ahensya sang gobyerno kasubong sang PNP, BJMP, opisyales sang barangay kag mga pumuluyo gikan sa iban nga lugar sa syudad sang Roxas, apang 17 lamang dire ang natigayun nga nakuhaan sang dugo.

Nakabaton naman sang t-shirt, certificate kag grocery items ang mga successful donors.

Nagapasalamat gid ang Brigada News FM-Roxas City sa PRC-Capiz, sa Barangay Council sang Libas kag City Government sa ila kooperasyon sa amo nga aktibidad. | Judy Ann Juare