National Kidney and Transplant Institute, naabot na ang full capacity

Umabot na sa full capacity ang Emergency room ng National Kidney and Transplant Institute (NKTI).

Dahil rito, hinihimok na ng NKTI ang ibang mga pasyente na pumunta na muna sa iba pang health facilities sa ngayon.

Sa isang advisory, sinabi ng NKTI na karamihan sa mga pasyenteng nasa kanilang emergency area ay ang mga sumasailalim sa dialysis, may leptospirosis, at mga indibidwal na may COVID-19.

Sinabi ng NKTI na nakararanas din ito ng kakulangan sa mga medical personnel, partikular sa mga nurse.

Sa hiwalay na pahayag, sinabi ng Department of Health (DOH) na nakikipag-ugnayan na sila ngayon sa NKTI management upang matugunan ang sitwasyon.

Nagtungo na rin doon kahapon si DOH na si Health Undersecretary Nestor Santiago upang masuri ang sitwasyon at matiyak na ang lahat ng mga pasyenteng pupunta doon ay maire-refer sa mga malapit na ospital para sa naaangkop na pamamahala.

Leave a Reply

Your email address will not be published. Required fields are marked *