Nagsaka sang 16% ang national tax allocation ukon NTA sadto ginatawag nga Internal Revenue Allotment para sa probinsya sang Negros Occidental karon nga tuig 2022.
Ginpahayag ni Atty. Rayfrando Diaz II, provincial administrator sa masunod nga tuig 2023 mahimo maganubo sa 14% ang tax allocation sang probinsya gikan sa tanan nga national taxes nga na-kolekta indi lamang halin sa Bureau of Internal Revenue bangud sang manubo nga income sang gobyerno probinsyal nga narecord sang tuig 2020.
Dugang pa ni Diaz, sa subong madamo sila sang “ cost cutting measures” nga ginahimo sa diin gin-isa-isa na ang mga budgetary items ilabi na sa bahin sang Maintenance and Other Operating Expenses ukon MOOE kun sa diin ang budget ang kinahanglan pagabuhinan sang sais syentos milyunes pesos.
Ang pag-iban sang pundo sa MOOE igapatuman sa masunod nga 2023.
Suno kay Diaz, ang MOOE ginalakipan sang gasoline ukon gatong sa salakyan, kuryente, tubig, supplies, travel kag mga pagpatigayon sang training. Via| Nimrod Zabala