Negosyante, arestado matapos naaktuhan nga nagapataya sang iligal nga “STL bookies” sa banwa sang Pilar

Arestado ang isa ka negosyante matapos naaktuhan nga nagapataya sang iligal nga “STL Bookies” sa Brgy. Casanayan, Pilar, Capiz.

Ginkilala ang nadakpan kay alyas Julie, 50-anyos, residente sang nasambit nga lugar.

Sandig sa Pilar Municipal Police Station, nakabaton sila sang report nga may yara sang nagapataya sang Bookies sa nasambit nga lugar kun sa diin madasig naman nga ginrespondehan sang kapulisan kag natigayon nga nadakpan ang suspetsado.

Narekober sa paghinakop ni alyas Julie ang P20 paper bill, 1 unit POS machine, 1 thermal paper nga may nagkalain-lain nga number combination, P1,500 nga kita sa pagpataya.

Sa karon, nagapabilin ini sa kustodiya sang Pilar PNP kag natalana nga pasakaan sang kaso nga paglapas sa PD 1602 as amended by RA 9287 ukon Philippine Gambling Laws. | Judy Ann Juare

Leave a Reply

Your email address will not be published. Required fields are marked *