Dakpan ang usa ka notadong tigpayuhot og iligal nga droga sa gipahigayong drug buy bust operation sa Prk4, Dacudao, Brgy. JP Laurel, Panabo City, Davao del Norte.
Ang suspek gidakop sa Regional Special Operations Group- Regional Police Drug Enforcement Unit (RSOG-RPDEU) XI ug Panabo City Police Station kinsa giilang si Joseph John Sison Leonida, 36-anyos, negosyante nga residente sa Sasa, Davao City.
Ang suspek gikonsederang top 8 Regional Level High Value Indiviual gumikan sa pagkalambigit niini sa iligal nga droga.
Atol sa operasyon nakuha gikan sa suspek ang mga pakete sa gitoohang shabu nga mubalor sa P225,000, markadong salapi nga gamit sa pakigtransak sa otoridad ngadto sa suspek.
Himas rehas na karon si Leonida kinsa gipasakaan og kasong paglapas sa R.A 9165 o Comprehensive Dangerous Drugs Act of 2002. BNFM-Davao