Nagprotesta ang mga negosyante nga namaligya sa sulod sa Merkado Publiko ning dakbayan sa Oroquieta, nga nahitabo karong adlawa.
Tungod sa mga katawhan nga namaligya sa gawas sa Merkado, diin ang sa sulod nga mga manindahay maglisod og kahalinan, hinungdan nga ang mga negosyante sa sulod nanggawas ug anaa mang display sa ilang mga paninda sa gawas niini, sa kilid sa kalsada nga posibling hinungdan sa pagbug-at sa dagan sa trapiko karong panahona.
Gipakita sa mga lab-asera ug lab-asero ang ilang pagkadismaya sa mga namunoan nga wala sila paminawa o mahatagan og pagtagad ang ilang dugay na nga gihangyo nga maaksyonan ang ilang mulo ug reklamo.
Sa pagkakaron, padayon ang pagpasabot sa kagamhanang lokal sa mga negosyante nga wala na nila mapugngi nga sa gawas mamaligya tungod sa kadaghan niini.(Jean Ruben)