Negosyanteng Koreano gipatay sulod sa iyang sakyanan

PATAY nang napalgang ang usa ka langyaw sulod sa iyang sakyanan sa dalan sa Purok Masagana, Barangay Baluan, General Santos City.

Giila ang napalgang patay nga Hyun Seong Hong, Korean business man hamtong panuigon, taga Barangay Labangal ning dakbayan. Sa imbestigasyon, alas-7 sa buntag Lunes nakita sa residente ang kotse nga puti (Suzuki ciaz) dunay plakang NAO 1882 lima ka kilometro gikan sa hi-way.

Dihang gitan-aw kini, didto na kita sa likod nga bahin sa passenger seat ang nagkadugo nga lawas ni Hong. Paghiling sa Scene of the Crime Operative (SOCO) bahin sa kotse sa sulod nga nasunog. Lakip na kita ang basiyo sa bala sa .45 kalibre sa pusil ug basiyo sa mineral water nga unod ang gasoline.

Una nang, gibutyag ni PLt. Rodel Ventura, deputy station commander sa presinto nga bidder kini sa usa ka construction firm. Apan sa pamahayag ni Police Major Yul Hilado, hepe sa presinto gibutyag niini nga naa kini sa โ€˜lending businessโ€™.

Sa sulod sa kotse, nakuha ang daghang dokumento kalabut sa negosyo sa nasangpit nga langyaw.

Dugang ni Hilado, usa ang anggulo ang gisundan nila sa gihimong imbestigasyon. Enero 2016, nasikop si Hong sa mga personahe sa Philippine Drug Enforcement Agency (PDEA) 12 sulod sa usa ka hotel sa GenSan. Nakumpiska sa operasyon ang naa P75, 000 kantidad sa gituohang shabu ug drug paraphernalia.

Base usab sa impormasyon gikan sa otoridad American passport holder si Hong, over staying na sa nasud ug takda nang ipa-deport.

Leave a Reply

Your email address will not be published. Required fields are marked *