Pasado na sa ikalawang pagbasa sa Kamara ang Negros Island Region bill.
Ayon kay Rep. Jose Francisco Benitez ng ikatlong distrito ng Negros Occidental, umaasa siyang maipapasa na rin ito sa ikatlo at huling pagbasa.
Ang House Bill 7355 ay bahagi ng isang omnibus motion para aprubahan ang ilang lokal na panukalang batas sa calendar of business ng Kamara kahapon.
Ayon sa panukala, ang NIR ay bubuohin ng Negros Oriental, Negros Occidental at Suquijor kasama ang Bacolod City.
Isang NIR technical working group ang bubuohin upang magbigay ng rekomendasyon sa Office of the President kaugnay ng institutional arrangement at itatayong regional offices ng iba’t ibang ahensya.//CA