“It is really a cause for concern”, ini ginpahayag ni Negros Occidental Provincial Administrator Atty. Rayfrando Diaz II partikularmente sa karon nga pagsaulog sang paskwa kasunod tanan nga mga tawo ang mahimo na makatinipon-tipon nga possible pagatunaan sang pagsaka sang kaso sa pag-abot sang bulan sang Enero sa masunod nga tuig 2022.
Suno kay Diaz dapat maalarma ang mga pumuluyo ilabi na kun may yara sang persona wala nagasoksok sang ‘mask’ kag ang kakulang sang pagpatuman sang ‘health protocols’ sa isa ka partikular nga duog.
Sa pihak sini, nagala-om si Diaz makabulig sang dako ang nagapadayon nga vaccination program sang gobyerno.
Nagapati man ini nga magapadayon sa pagnubo ang kaso sang Covid -19 sa probinsya sa tion malambot na ang pila ka mga pumuluyo nga wala pa mabakunahan.