NFA So.Cot umapela sa mga LGU na magpatayo ng mga post harvest facilities

KORONADAL CITY- UMAPELA ang National Food Authority o NFA South Cotabato sa mga local government units o mga LGU na magpatayo ng dagdag na mga post harvest facilities sa kanilang mga lugar.

Ayon kay NFA South Cotabato Branch Manager Hazel Solis na ito ay isang paraan upang matulungan ang mga local farmers at ang kanilang tanggapan.

Napag-alaman ayon sa opisyal na isa sa mga rason kung bakit hindi ng mga ito naabot ang target sa palay procurement ay dahil sa limitadong drying facilities.

Ito rin aniya ang dahilan kung bakit hindi sila bumibili ng wet palay.

Hinihikayat din ni Solis ang mga LGU na kung maaari ay ipahiram sa mga magsasaka ang kanilang mga bakanteng lugar at mga solar dryers upang may mabiladan ng palay.

Dagdag pa nito na kung may ido-donate na lupa ang LGU, ito ay ide-develop ng NFA upang lagyan ng post harvest facilities, solar dryer o mechanical dryers.

Leave a Reply

Your email address will not be published. Required fields are marked *